香港火鍋推薦，湯底新上場
火鍋湯底新上場！天氣轉涼，又係餐餐火鍋飯局的時間！今年雞煲大熱，人人爭住試，其實傳統火鍋都有唔少新湯底及搞鬼配料上場，陰陰濕濕辣到人飛起的燉雞湯底、識噴火的火焰雞煲，仲有用油鴨脾做的餃子，今個秋冬傳統火鍋都有新搞作！
陰濕激辣燉雞鍋
美味廚一年四季都做火鍋，每年一入秋就有新搞作，今年也有新諗頭，就是以燉雞湯做 base，加入辣椒或鮑魚，做成滋補湯底。
紅袍辣子釀雞鍋 $368 (美味廚)
「天氣一凍，人自然想食啲暖身嘢，今年冬天又會特別凍，所以諗到用辣椒和鮑魚。」主廚譚師傅說，湯底看上去平平無奇，其實好多工夫。如「辣子釀雞鍋」，先把雞件、指天椒和紅袍椒一起燉煮 8 小時，做成雞湯，再以這雞湯，燉煮釀入辣椒的老雞 4 小時，至此，雞湯及雞肉已滲滿辣味，看到湯底不油又不紅，放心喝一口，卻辣到立即咳嗽，好陰濕！
咖喱牛筋腩餃 $48 /10件 (美味廚)
侍應會在客人面前把雞切開，露出大堆指天椒和紅袍椒，令湯底愈煮愈辣！不嗜辣者，可點唔辣的「鮑魚釀雞鍋」，有 6 隻南非 20 頭鮑魚，老雞燉煮后也不覺韌，美味滋補。配料也搞嘢，首推油鴨豬肉餃，用油鴨髀切粒做餡，咬下滿嘴甘香，好玩又驚喜。
美味廚
地址：灣仔灣仔道 165-171 號樂基中心 5 樓
電話：2866 8305
